المساعد الشخصي الرقمي

مشاهدة النسخة كاملة : سامحيني


الحل الصعب
01-10-2011, 08:47 PM
حبيبتي ’’’طلبتك سامحيني
غصب علي بانت فرحتي للناس


لا احد يدري وللكتمان كنتي تبيني
وانا تدرين بالعواطف حييل حساس

بكل سنة اتحرى لحظة تجيني
وحزة تجين دووم كل الوعوود تنحاس

ما اعاد اشوف ابعد من رمش عيني
ولا عاد اسمع غيرك من الناس

لو كتمت ’’’’ دقات قلبي لكل عاشق تبيني
والا اضطرابي تعدى حد الطبيعي بالقياس

سامحيني وارجوك اسمحي يظهر حنيني
من غيرك يحتويني من؟ بالله من بدة الناس



ابي كل الكون يدري بها اليوم جاني ضنيني
المشاعر مايدونها قلم ولا يحتمل ما بداخل القلب قرطاس


بقربك انسا كل الالم وما كان فيني
روحي ترد لاعانقت منك الانفاس

ارجوك ضميني لصدرك وبعدها بالله انسيني
في دفا احظانك اقتل معاناتي وانسى معك حالة الياس

وفي لحظة عناقك ابيه يخرس انيني
ودموعي فرح لا تهزك ‘‘‘‘ما علينا اليوم باس

يحرم علي الحزن وانتي معي يافرحة سنيني
أنتي لي ــأ الروح وعذب الاحساس

ادري ودك مثل ماودي بكل لحظة تجيني
بس وش نسوي لا صار الزمن قاس

تدرين ’’يابخت الهوى فيك وياحلاة العشق دامك تحبيني
وياحظ من صار له بالهوى مثلي ’’’ شئ ما يعادل بالالمااس

عزف قلم
01-10-2011, 10:43 PM
تدرين ’’يابخت الهوى فيك وياحلاة العشق دامك تحبيني
وياحظ من صار له بالهوى مثلي ’’’ شئ ما يعادل بالالمااس



هنا للحب افتتان و للمحبوب مزيه
وهنا تجلت روعة العشق وعذوبة المغنى .....
دوما عشطى لرقيق مشاعرك ..
دمت بحفظ الله .

سميتك غلاي
01-11-2011, 12:10 AM
دائمـآ أتوق لعذب كلمات الحب والحنيني
ومحد قدر يتفنن برسم الإحساس
أحرفك لامست كل لحظة شوق فيـــني
فيك وفاء لمحبوبك نادر بين الناس

الحــــــل الصعب
تسلم يمينك ع الكـــلآم الجميل
وماننحرمش من عذوبة بوحـــك
تحيـــــــآتي

برووق المزوون
01-12-2011, 10:07 AM
سلسلة من مشاعر متأججة نسجت لتظهر لنا صدى الحرمان ...
تلهف للقاء ... نشوه عند اللقاء ...خوف من ان لا يدوم اللقاء ...
تناقم في الصوره المنقوله بحس راقي عذب..
احسنت اخي الغالي ..الحل الصعب...
لك ودي وصادق اخائي ... تحياتي

الحل الصعب
01-14-2011, 10:34 PM
لكم من اخ لك لم تلده امك

اخوة اعزاء
ليس لداعي استعجال
او اقلال جمعتكم هنا

وانما لزود المعزة
وصادق المحبة لكم مني
وكامل التقدير

يرووق المزون
سميتك غلاي
عزق قلم

تحيتي لكم وكامل احترامي