بالله قل لـي حبيبي " وحشتك " ؟!

[هدوء الروح]

http://up.ta7a.com/ta7a/rhy21116.png






مسـاء الشعور اللي ضوى و اعتراني
و الاّ الغيـــاب و لهفتي لا وصلتك

و الاّ الوله .. و الاّ الشعر .. و الأغاني
و الاّ الحنين .. وضيقتي .. لا ذكـرتك

في مسـرح .. عيونك تضج الأمـاني
تعبت أنادي و يصفع الصـوت صمتك

أفز و ارجــع .. و أتحسس مكـاني
و ألقــاك حلم .. في عيوني رسمتك

جيتك سحــابة شعر تلـهم بنــاني
جيت و على خد الصحــايف مطرتك

أزرع حــروفي في ريـاضك معاني
بيني .. و بينك .. تنتشـي لا عـرفتك

جيتـك و هذا الشـوق .. راسم حناني
لوحة مشـاعر.. في ضـلوعي نقشتك

تعـ،،،ـال و اسمع وش تقول الثواني
يا مـا انتظرتك .. و انتظرتك وشفتك

واقف و أنا اسـأل حظي اللي عصاني
وشـلون تضوي دنيتي لا فقـدتك ؟ ؟

إرجـع و رجّع فـرحي اللي نسـاني
شف كمّ يـا ليـت ..بمفـرداتي كتبتك

سؤال ثــاير .. تحت صمت المحاني
بالله .. قل لـي حبيـبي .. وحشتك ؟؟:47:

تضيـق بغيـابك .. صدور المـواني
يا مـا على مرسى الليـالي .. سهرتك

جيتك .. و بأيـدي ورد يـا ما بكـاني
و دايم يـواسي .. دمعـتي لا ذكـرتك

بحـر الرجـاوي فـوق شطّك رمـاني
مـدّ الكـفوف ..وصـب فيني عشقتك

خـذني حنين و لـهفة إنسـان عـاني
خـذني زمن يرقـد على حجـر وقتك

خذنـي ترى يا مـا غرامـك خـذاني
و يا مـا على جذع انتظـاري حفرتك

جيتك و مـا ادري كنّي إنسـان ثـاني
طـال الفـراق و كـن تـوّي عرفتك

جيتك و أنـا ما جيت .. واقف مكـاني
طيـفك حضنّي و احسـب أني وصلتك









لكم ودي .. ~

[ورد الغرام]

واو
روعه
يسلمو كلمات قمة الروعه
الف شكر
جوريه لك

[صمــت أنثــى]

سلمت يداك وسلم احساسك أختي
كلمات جميله
تسلمين على الاختيار الموفق

[هدوء الروح]

واو
روعه
يسلمو كلمات قمة الروعه
الف شكر
جوريه لك


ربي يسلمك ياعسسل منورهـ فديتك ..

[هدوء الروح]

سلمت يداك وسلم احساسك أختي
كلمات جميله
تسلمين على الاختيار الموفق



ربي يسلممك يآلذوق منورهـ يالغلـآ
ماأنحرم منك ..