البارح بغيت أموت ضحك ع أخوي الصغيير
جالسه بالمطبخ وهو معاي منتظرني يبني آخذه عند بيت جدتي
شوي أحس بشيئ ع رقبتي صحت ع بالي حشره
وأقول له وش هذي شيلها وهو يناظرني ببراءه وفخاطرها خير وش عندها
ههههههههههههه طلعت خصله من شعري قلت يوووه ع بالي طير
فتداركت الأمر وقلت حشره
الطير مثل العصفور والغراب ^_^ والصقر والقماري والحمامه
هو ساكت يسمعني بس لمن وصلت عند الحمامه رفع صوته
الحمامه مو طير قلت لأ طير
قال والله مو طير حمامه ابتلشت الحين فيه كيف أفهمه
قلت الحمامه تطير فرد إيوه قلت خلاص يعني طير
طفشني مو راضي يقتنع
أخذته عند الوالده وسألناها قالت له طير قال والله ما أحبكم
هي حمامه العصفور بس طير
رجعنا المطبخ << ما أطبخ أنظف ^_^
قررت أجيبها له بأسلوب ثاني عشان يقتنع بالقوه
قلت اذا الحمامه تطير فهي طير اذا لا فهي مثل ما تقول انت
قال ما تطير والله حمامة هيمو ما تطير
ههههههههههههه حمامة هيمو كانت اجنحتها مقصوصه
بعدين قال يلا اسألي نور << العامل اللي في المزرعه
قلت لا هو عشانه ما يتكلم مثلنا
سكت بعدين قال هيا اسألي ربي
قلت له كيف اسأله
هههههههههههههههههههههههه
توقعوا وش رد
قال بأرميك بالحجر وتروحين الجنه وتسألينه
يا الله لو الحجر يوديني الجنه من زمااان خليتك ترميني به
فااهم رمي الحجر غلط
بالقوه اقتنع فديييت قلبه انا
وربي الأطفال يبي لهم طولة بااال الله يعين اللي عندها أطفال كثيرين
يوووه مدري كيف تقدر تتعامل معاهم
الحمدلله انا بنعمه وانا ما ادري
|