. الطيب في بعض الخلايق عيب
يلحقك في بذلة عليك عتاااااب .
. حيث الردى باللي تردى طيب
والطيب باهل الطيب ماينعااااب .
. هذا الزمن خبره مع التجريب
لابد مايومن يخون اصحااااب .
. يقلب من الصاحب الى اْم جنيب
من دون لاعلة ودون اسبااااب .
. كيف الذي وازنت يقلب ذيب
وانا الذي ماقد حسبت حسااااب .
. ظنيتها لي فزعه امن قريب
شفت الحقيقه يوم ظني خااااب .
. بعض البلاوي من قريب تصيب
ويصير من يفزع لك الاجنااااب .
. يالله دخيلك من زمان الشيب
اللي يشيب ابه الجذيع الشااااب .
. الله يصبرنا على التغريب
غربة مشاعر والقلوب اغراااااب .
. يالله ياللي عالمن بالغيب
تبري جريحن بالوغى منصااااب .
. من هو يلوذ برحمتك ماخيب
انت الرجا لاغلّقت لبواااااب .