جاني كلام اني معك كنت كذاب
واني محملك الشقا والأسيه
واني ابيع الود وابيع الاحباب
وش باقي ماقلته حبيبي عليه
ظالم واخاف عليك من يوم وحساب
ياخي حرام اللي تسويه فيه
ارفه يديني طالب رب الارباب
واتذكر العشره ونزل ايديه
شمت فينا اغراب وابعاد واقراب
خليت ذا يحكي وهذي وذيَا
اهدي لك البسمه وتهدي لي انياب
ليش الوفا في شرع مثلك خطيه
الله بلاك بناس تفرش لك اهداب
والله بلاني بناس ماهي وفيه
ياليت عندي شوي من غدر الاصحاب
ياليت عندك من وفاي شويه