قصيدة رووعة
اتمنى ان تحوز على اعجابكم
للشاعر : ثامر شبيب
ومـهداهـ الـى[you]
\\
//
\\
لاتلومني يـا [you] لاجيتك من اقصاي
\\
//
\\
///////////////////////
لاتلومني لاجيت كلي من اقصـاي
هو فيه غـيرك لاتضـايـقت جيـته
///////////////////////
جيتك ولاغـيرك ذكـرتـه بـمسـراي
جيتك وكل انسـان غـيرك نـسـيـته
///////////////////////
جيتك وانــا مــانـي بـتـايـه الــــراي
جيتك وانـا مدري وش اللي بغيته
///////////////////////
جيتك وقـلـبي دقـته تسبق خطاي
جيتك اقــــول مفـارقـك مــاقـويـتـه
///////////////////////
ان مـر يــوم بـالعـمر مـنت ويــــاي
اشتــاق لك شــوق المسافـر لبيـته
///////////////////////
مثل الهـوا تـحتـاجـه النـاس والمـاي
يحتاج لك قـلـبِ هـواك وهـويـتـه
///////////////////////
انت الوحيد اللي يـرد بـسمة اشفـاي
وانت والوحيد اللي بـروحي فديـتـه
///////////////////////
دامك معي مـاقـصـرت يـوم دنـيـاي
دامـي خذيتـك وش بـقـا مـاخـذيـتـه
///////////////////////
وان كان تـنـشـدني بـعد ليه انـا جـاي
أبــشـــــر بــــرد يـقـنـعـك لاقــــريـتـه
///////////////////////
جيت اعـتـرف بـالفرق يـاآخر مـنـاي
بـيـنك وبـيـن اللي عشـانـك جـفـيـته
///////////////////////
اني لـيـا مـن جـيت لك همك رضـاي
واني لـيـا مـن جـيت لـه مــالـقـيـتـه
///////////////////////
لاتـلومني لاجـيت كلي من اقـصـاي
هو فيه غـيرك لاتـضـايـقت جـيـتـه
//////////////////////////////