بقدرمكتوب التقينا
وبدى
من وقتها حكي العيون


من حولنا الناس
وحسيت
بقلبها يقول
ماعلينا
ومشينا على الشاطئ
وحسيت كأن البحربحسنها مفتون


من غيرتي وبلا وعي
تلاقت ايدينا
ومن ضمتي لايدها
حسيت غيرة البحر
بموجه المجنون

قالت موج البحر عالي
تعال نجلس بظله تغيم علينا
قلت البحر عاشق
والعشق مجنون


قالت البحر غدار
ياماسمعنا عنه وقرينا
وقتها حسيت بخاطري
بعض الضنون


وصلنا لجلسه صغيره
بعد اللي مشينا
طلبت منها ترتاح عالكرسي
وجلست لها دون



بعد ساعه
من لحظة ماالتقينا
سالتني عني من اكون؟


قلت يازين الوقت
اللي جابك علينا!
قالت :
اللي في بالك خله للأخير
وقلي من تكون؟


قلت : ابا اعلمك انا وقلبي
بس صدقينا؟
قالت :انت بس علمني
وبصراحه احسك تمون!

قلت : أنا عن قلبي كنت تايه
وبشوفتك التقينا
كنت على الدنيا ضرير
وبلمسة ايديك
طاب حال العيون


شفت بعيونها رضا
بس قالت : من اولها حب
تو مابدينا
قلت صدقيني :
صارالعمر بك مرهون



قالت :وراك ماتبي تعرف
من انا
يعني مابتسال علينا؟
قلت :اعرفك
وليت تسمحي للناس يدرون؟




قالت ؛ وش اللي تعرف
ما امدانا نكتب شي ولا محينا؟
ولايهمني الناس
يهمني انت وش عندك اكون؟


قلت: انتي
على حبك
انا وقلبي وعينا
و صرتي بقلبي
در مكنون


وبلمسة يدك
دفى وانسل فينا
عذب احساس
عانق احساسي
حنون


قالت تصدق
بعد ساعتين
من حزة التقينا
احس انك حبيبي
وتدري
جاك مني قلبي بحبي
ليتك يالغالي له تصون!


قلت:
قلبك وحبك اغلى هديه علينا
باصونها بقلبي وروحي
وروحي لاجلك تهون

بس ارجوك دايم بنورك طلي علينا
وبلمستك دفينا
ياأغلى من عرفت
ياأحلى عيون

(من خواطري الخاصه)