ياصاحبي
تصور شوق الليل
لنور القمر
في ليلة الضلمه
والا تخيل حنين السما
في ذاك الليل
لومضة النجمه
تدري صاحبي
في ذيك الصور
بعض حالي من
زايداللهفه

عمرك شفت القلم حاير
باول سطر
تاهت من صاحبه الكلمه
وقف حاير
لين استمال من طوله
وتوسد الصفحه
ياصاحبي
هذا حالي في مكاني
طال بي
أنتظرلحظة الرجعه


ياصاحبي
حياتي في غيابه
فراغ
ليلها طاغي
العتمه
ونهاري من حياتي
اداري عنك ياصاحبي
الدمعه

ماغيرك صاحبي
يصبرني
لوطالت بنا الفرقه



صبرك علي طال ياصاحبي
ادري به
ولاتبين لي الشرهه
وادري لو بيدك تهديني
من سنا عمرك
خالص الفرحه

ابي العذر منك ياصاحبي
وابي منك الفزعه
لو قضى عمري
قبل لا القاه
حط بيده
هذي الطرحه
وبلغه انها بعمري
اغلى هداياه
ولاتنسى تبين له
عني بعيونك
حالة الفرحه
وسلامتكم بقلمي