موقف صار لاحد الاخوة مع شايب مشرف في منتداهم يقول عن هالشايب


أخينا في الله ... إنسان طيب لدرجة كبيرة ... بس مع ذلك هو على نياته وبقوة ...


في كل مرة أدخل قسم المحذوفات أضحك وبقوة ...


دايم أحذف مواضيع مخالفة ... في ذاك المنتدى ... مثل صور شبه عارية


أو موضوع سب إلخ ... من المواضيع المراهقين ...


المهم هذاك كل وقت .... يكون في منتدى المحذوفات ياليت يطلع ويمشي


لا ألقاه يعلق وينصح ... وطبعاً منتدى المحذوفات .. ما يطلع عليه غير


الإداريين ... وهو على باله ... القسم مفتوح للكل ... المشكلة أن الرد


يكتبه تقريباًعشرين سطر ... تقدر تلخصهم بكلمتين وهي خاف ربك


ولما أوضح له وأقول المنتدى ما يشوفه غيرنا قال لا ياخي موجود

بالصفحة الرئيسية ... والمشكلة يقول لي بالرسائل الخاصة ياليت

تنصحهم معي ... حاول مدير الموقع معه ما نفع ...


قالنا نخليه على وجهه ...






وفي مرة من المرات أرسلت له مشرفه ... رسالة تحب تستشيرة بموضوع ...:animated smilies_17



قالت له فلان بودي أطرح موضوع كذا وكذا في قسمك



..
ما أدري وش رايك؟؟



رد عليها في قسمه يعني نزل موضوع قدام الاعضاء

:animated smilies_16


يقول إلى الأخت الموقرة ... فلانه أنا إنسان متزوج وعندي عيال ... أرجو إني ما زعلتك ...

smilie_24


أرجوا يكون الكلام قدام الناس مو بالرسايل الخاصة وشكراً




منشان كذا طرحت الموضوع ما ابي يكون الشيطان ثالثنا ... an17





جفل البنت علينا وتركت المنتدى بسبته smilie0...





والمشكلة المشرف العام يحذف موضوعه ويكتبه مرة ثانية

:tatch_20



وحاولنا نفهمه بالرسايل ما رضي يفهم يرد عليه ويقول





لابد أنصحها ...

المهم

:nooon_22


وفي مرة عقدنا اجتماع ... عشان نحرك المنتدى ونسوي مسابقات تحرك المنتدى ...




كل واحد منا ... تزهل يعني تكفل ببطاقة سوا ام 100 ريال




المهم صار كل واحد منا يسوي مسابقة ... اللي بالخواطر يختار أفضل خاطرة للشهر




واللي في الجوال أفضل برنامج




وهواختار أسئله يطرحها على الأعضاء ... لمدة اسبوع





واللي يجمع أكثرنقاط ... يفوز ...

s_21


عند تسليم الجائزة اللي هي بطاقة سوا ...

بدال مايرسل البطاقة للعضو بالرسائل الخاصة كتب رد في نهاية المسابقة ...

obsss_16


يقول مبرررروك للفائز .. ببطاقة سوا ... وإن شاءالله يكون حافز للنشاط



وهذا رقم البطاقة626726752652 سجله قدام الكل ...

:yahe_05



الرجال اللي فاز بالمسابقة يقول وين البطاقة ... ماتشــحن !!!





قال الشايب والله جديدة ...

:esse18



وظن أنه مالطشها أحدالزوار أو الأعضاء يعني بزعمه منظم ...





راحت البطاقة وتكفلنا نشتري للرجال بطاقة نرسلها له على الخاص

: smilie eeh_20



المصيبة أحياناً ينزل مواضيع في قسمه ...ويكتب أرجو التثبيت ...



وزي ما انتم عارفين المشرف هو اللي يثبت المواضيع ويفكها ...




لا هو يكتب الموضوع بالقسم اللي يشرف عليه ويقول أرجو التثبيت ... !!


ne_17


والله حاله ما كنه طولها ؟؟





المشرف العام تحمله ... لسببين ... أولهم أنه رجال عمره كبير




والسبب الثاني أنه على نياته ... وطيب ...





طولها آخر شيء كتب المشرف العام بطريقة غير مباشرة يقول في





قسم المشرفين ..








يا جماعة ... اللي ما يقدر على الإشراف يقدم اعتذاره ...




كان المشرف العام يتوقع أنه يرد ويقول أنا أقدم اعتذاري



وش قال هو ...








قال :









فعلاً هناك بعض المشرفين باردين أتمنى يتحركون من شان مصلحة المنتدى ...

smilie_24


وياليت يتفاعلون مع الأعضاء .... عشان يوصلون لأعلى المناصب ...



الرجال يخطط على مراقب أو نائب مشرف عام ...




وطلعنا من المنتدى ولازال الرجل مواصل على نياته وجايب طبلونه متحمس

:iesoo_08

وش رايكم بهالمشرف ينفع مشرف هنا ؟



:kaaak_06:kaaak_06:kaaak_06:kaaak_06:kaaak_06

منقول