مساء الخير اليوم اشتهيت دجاج مشوي نفس الا بالمطعام
وقررت اسويه بالبيت وانصدمت من الطعم والذلذة ..
اول شي حبة دجاج كامله نغسلها كويس ونشيل الزفر منها ..
كيف نشيل زفر الدجاج ..
حطيها بمويا بارد .. خليها ساعه نحط بالمويا ملح وليمون ودقيق او خل
ونخليها تتنقع ربع ساعه .. وبعدها نغسلها عادي …
نخلي العظم من الدجاج .. ضروري بذي الطبخة بالذات ..
تتبيلة الدجاج ..
٣ بصلات متوسطة الحجم مبشوره
حبه طماطم مبشوره
زيت زيتون نص كوب او ربع كوب
ملح + فلفل اسود وكمون - وبهارات كبسه مطحونا ..
نخلطها كويس ونحط الدجاج ..
تتنقع بالتتبيله من ساعه لساعتين ..
نجيب طاوة الشوي الكهربائية اخذتها من قصر الاواني ..
ندهنا بشوي زيت ونرص الدجاج .. ونخليه نص ساعه كل ربع ساعه نقلبه على جهة علشان يتحمر وياخذ لون حلو …
طريقة الرز ..
كوب رز مغسل ومنقوع ساعه كامله ..
نحط زيت شوي ونحط ملعقتين معجون طماطم
نخذ التتبيله حق الدجاج .. ونقلبها شوي لين ريحتها تطلع
نحط الرز مع بهارات الكبسه الصحيحه ورق غار - ليمون اسود - شوي قرفه - ملح
نقلبه شوي ونضيف كوب وربع مويا ونضغطه بالضغط لمدة ٥ دقايق على نار هاديه ..
اخر خطوة وهذي اضافه مني علشان الوالدة تحب البصل بذي الطريقه..
نجيب طاوة نحط شوي زيت
وبصلة كبيره مقطعه شرايح
ونحطها لين تاخذ لون اشقر
نحط ملعقة معجون طاماطم
وفلفل رومي نقلبها حق ٥ دقايق
نجيب الدجاج .. ونحطه عليها ونقلب
نجيب فحم وزيت بفنجان ونغطي الطاوة ٣ دقايق علشان الدجاج ياخذ طعم الشواء وبس..
يقدم مع سلطه .. وببسي وبالعافيه عليكم
جربوه بتدعون لي ..