منتديات حساس - عرض مشاركة واحدة - أحيــآن فيني صمـت و يصعب علي آلبوح .,وأحيآن فيـني بوح يكسر سكوتي ..

08-25-2010, 10:31 AM

اليوم رآح احكي سآلفة الامطآر المُتوقعه
طبعاً انا سمعت من اذن وطلعت من الثآنيه لإيمآني بانه لن يصيبنآ الا مآ كتب الله
وأن مآ كل مُتوقَّع حآصل .. الأهل غآرقون في هذه الحيآه لم يشآهدوا التلفآز
وبقيت امي ممسكتاً مصحفهآ والصغآر يلعبون واخوآتي مآ بين قآرئه وغآرقه بالطبخ
عشنا يومنا كأي يوم عآدي الا ان الجو كآن غآئماً فرحت به
قبيل العصر هبت ريآح محمله بالاتربه الى قبيل المغرب
فبدأت الامطآآر بالهطول طبعاً هتّان
بصرآحه اسعدنا المنظر وسمعنا المؤذن يقول صلوا في رحآلكم
استغربنا وقلنا يمكن عشان المطر رغم انه خفيف وكان قبله امطار اقوى
المهم قمت انا تابعت بعض البرامج على التليفزيون وبعد صلآة العشآء نمت
استيقظت قبيل الفجر تسحرت وصلينا الفجر وجلسنا جميعاً
الوآلده واخواتي واخوتي وقد وصل اخي الصغير من السفر بعد ذهابه لمراجعة
باقلب عآمي ^_^ وقالت مآآمتي سمعتوا وش صآر فكولنا طآلعنآ فيهآ
قلنا وش صار قالت امس بالمسجد لقيت الحريم
يتكلموا عن امطار غزيره
وان الارصاد تحذر منها
وانهم خايفين من فيضان<< يسمعون بالفيضان بس مايدرون وش هو
وحده تقول لولدهآ لآ تطلع عشآن نموت سوآ
ووحده مآنعه اولآدهآ يلعبوا وحبستهم بالبيت
واحنا اخوي مسافر واختي جايه من السفر في الطريق وابوي رايح جاي واخواني الصغار يلعبوا برا
قسم ان جهل بعض الامور راحه
طبعاً هم ما ارتاحوا كله خايفين يصير شي
وانا الحين اضحك ويقال شر البلية ما يضحك
الحمدلله احنا عشنا يومنا برآحة بآل لاننا ما اهتمينا لمثل هالامور
ممكن تكون الارصاد صآدقه وأؤكد انه من المحتمل ان تأتي توقعاتهم صحيحه فتتلبد السمآء بالغيوم حتى تنذر بهطول امطار غزيره
وأؤمن انا لو ان الله اراد لقطرات تلك الغيوم خيرا لاهل تلك الارض
فسينزلها بأرق مآ تعجب اهل الارض واجمل منظر يروق للناظر
وسيحمي كل ممتلكات الناس
وأؤمن بانه لو اراد ابتلاء اهل الارض ففي برهه ودون اي توقع من الارصاد
والسماء صافيه سيقضي امره بكن فتتكون الغيوم وتهطل الامطار وتتكون العواصف ويهلك ما اراد هلاكه
انا هنا أؤمن بانه لا يعلم الغيب سوى الله والتوقعات ماهي الا اجتهادات
ينبغي توضيح بعض الامور وليس ترهيب لبعض ضعاف القلوب
بس مو هذا مناسبة الكلآآم
حكت لنا ماما قصه قديمه حصلت لاهل القريه منذ القدم
كانوا قبلاًفي اعشآآش وحلمت عجوز ان يوم القيآمه بيجي
الظآهر ذيك العجوز صآيمه ومصليه وقالوا انها رؤيآ
تروا هذي معتقداتهم قديماً
ومره جت رياح حااره بالموصآدفه
قالوا بس هذي القيآمه والنآس طآيح ومنبطح
ودخلوا اعشاشهم وتمسكوا ببعض وما ادري وش صار
بس مآت دجآآجهم من هالريآح وبعض اغنآمهم
وحآلتهم حآآله سبحان الله لربمآ كآن انذاراً لهم
انا عجبني من القصه طآيح ومنبطح
والله ضحكت لمن خجلت ماما قالت بجد الناس خافوا
والله ماعليهم شرهه ياليتنا باياام زمان ايام اجدادنا
بس مايكون عندنا نفس الجهل اللي كان عندهم تدرون اتمنى لو كنت صحابيه او حتى تابعيه بس ما اكون بعدت عن هذاك العصر بالف سنه
ميااسه اذا مريتي من هون ابي اسألك وش صار عندكم
يلا اشوفكم مع قصه جديده ما عندي سآلفه من الصيآآم