قصيدة للوالد
امل ان تنال على اعجابكم
.....................
وش يبدد ظلام الليل ياكود نور
وانت نوري ليا فكري غشاه الظلام
وانت مبعث سروري فالمساء والبكور
والامل سيدي والحلم واحلى الكلام
انت مركزك مخي والخلايا عبور
اعبر ابها على كيفك وسل العظام
شوفتك فالمحافل عن جميع الحضور
وطيفك ان مرني ليه يطيب المنام
كل ماهب ريح من الشمال بعطور
قلت ريحة حبيبي كالنفل والخزام
المشاعر تجدد كل يوم(ن) تزور
والمحبه تزود بكل يوم(ن) وعام
حبنا اكبر من اللي نكتبه في سطور
وانته اكبر من اللي يكتبون الانام
كم نقول ونخفي في حنايا الصدور
والصدور القبور لسر بعض الكلام
العهد بالعهد وانته وفي ماتبور
دوم وافي وغالي يارفيع المقام
لايهمك كلام اهل الحسد لو تثور
دامني حي والله ياالغضي ماتضام
تحياتي