أبد والله.. سمعت بطاري عيــونك وجيت اغليـــك
يقول القلــب سلملي عليــه ويطلب وصـــالك








حبيبي وش تقول بعاشــق قصــة غرامه فيـــك
نســى الدنيا ومن فيهـا وجا ينشد عن احـــوالك





حبيبــي جيت لمصـافح مواعيد الفــرح بيــديك
وجيت اعطــي يمينـك حب ماتدريبــه شـمـالك





اشـوفك واسـمعك قبــل اعرفك واشتاقلك وابيك
واحس آمال عمــري من عرفتـك تشبــه آمالك





انا ماعشت قبـل اعيش بحساسـك وقبل اجيـــك
حبيبــي جيتـك بقلبــي ولو ماجيتــلك جالك








احاسيسـي كريمـه وانت تستــاهل كرم غاليــك
ترى لو ماأشـرقت شمسك وصـل.. رحت اتبع ظلالك





يقـولـون العرب دار بلا مغليــك ماتغــريك
واقـــول انك بليّـا حب كنـك عايش لحــالك





انا لاجيت اســولف عن شعوري قمت اسـولف فيك
وانا ادري رغـم كل الشــوق مامــريت في بالك







دريت ان الغــلا مثـل القـدر يرضيـك لو يبكيك
ولاينفعــك بعلــوم الغـلا عمك ولا خــالك





مابين الحلـم والواقـع يصيبـك حظـي ويخطيك
متى تصبـح قــريب اللي وقف بآماله اقبــالك





ولاتزعـل من اللـي لازعل منـك رجع يرضيـك
و لاتطـري كلام البعـد .... فال الله ولا فـالك