تبختري ياكبيره بين كل الحضور
تبختري ياكبيره بين كل الحضور
واستفردي بالقصايد واغِري أوزانها
واطغي على الناس وامشي بالدلع والغرور
انتي من اكبر حمايلها و شيخانها
عيونك اللي تحلّى بالتعب و الفتور
مدري متى الله يخفف من طَيشانها
غيدا ترد المعيف من الزمان الدهور
للواحه اللي تهب النود ب اغصانها
في راسها ماتحط الا طويل الشبور
اللي عليه المدايح تكسَب رهانها
لا سلهمت ماتفج الا وساع الصدور
تذكّر القوم فعل سيوف ، جدانها
وخَمريها اللي على شفاها يغيض الخمور
تَسكِّر ليا قامت تحسسّه بلسانها
ويلي على ضمةٍ منها تزين الامور
تهدّي النفس لين يموت شيطانها
|