السلام عليكم ورحمة الله وبركاته
اسعد الله مساكم بالخير والستر والعافيه
أرحبو وحياكم الله يانجوم حساس كبيركم
الصغير الأنثى والذكر اليوم جاكم الشارد
وهو جيعان ليش مدري لكن تابعوا وتعرفون
السبب وحياكم الله في امسيه خفيفه

تعبت انا وأنتم يانجوم من المواعيد حتى اصبنا بالجفاف كل يوم نتلقى موعد بعزيمه دسمه ترم العظم وتطيب المعده كنا في هريسه للكحيله وانبسطنا معها ووعدنا صقر الجزيره بأكله بحريه تطيب لها النفس وترتاح لها العين ولكن طلعت مواعيده مواعيد عرقوب من جرف في دحديرا ياقلب لاتحزن صرفنا النظر عن انتضار الصقر وصيده ير يد من الشارد الغلبان ان يعزمه ويعزمكم على تيس مظبي في سطوح منزلي وانا كما تعلمون معرف طريق الحلقه واخاف من الدم وأن شفته انصرع فلا تنتظروني واصرفوا نظر عن الأحلام المزعجه ههههههه

رجعنا لصاحبة البرقع واضن مافيه غيرها والله يعيننا على شروطها اليوم تواصلت معها اشحذ فيها همة الكرم الذي نعرفه عنها وعن قدرها المتعود على المكارم ولكن سمعت منها عذر مايشبع ولا يغني اضنها تريد تطردنا وش عذرها تقول ماتقدر تخرج بدون برقع ليش برقعك فين راح تقول غسلته ونسيته على الحبل وجات الشاه وكلته ولازم اسوي برقع ولا اشتري غيره واجيكم لكن ولايهمكم وكلت ميرو تقوم بالواجب بدلي ولو انها بخيله لكن استعدت انها تتواصل معك يالشارد واسمع منها ولا عاد ترجني بالقرقره

ميرو يابنت الكرام نحن محولين من صديقتك العزيزه أم البرقع والتي اسمها الكحيله فهل أنتي مستعده تعملين لنا وجبة السحور اليوم ولا راح تعذرين وتحرمينا احلا اكله ياميرو لأنني سمعت انك من قوم معروفين بالكرم وطيب الترحيب والملفى وش رايك تنهدت وقالت يالشارد ومن يسمع لايهون انتم كرام وتستاهلون الكرامه لكن المعذره ماعندي احد يساعدني والمقاضي تحتاج من يجيبها والذبيحه يقولون الغنم فيها مرض والدجاج فيها زطاط يعني انفلونزا ان كان تبغون مطبق ومعصوب من عند ابو زيت ابشرو ولا من حواضر الثلاجه جبنه وزيتون وطرشي وحلاوى فحياكم تاخذونها وتاكلو ن في بيوتكم هذا علمي وسلامتكم هذي المهبوله أم برقع احتالت عليكم وتعذرت بالبرقع علشان تشرد عنكم ان كان قبلتم عذري ولا ارجعوا للقحم الشارد وهو يدبركم هيا مع السلامه

الشارد وش رايكم انسدت الطرق كلها اضن لم يبقى الا انا اتصرف واتسلف واسوي لكم عزيمه بس بعد الحضر والعزل ههههههه
في حفظ الله تبقون ودمتم سالمين محبكم الشارد