منتديات حساس - عرض مشاركة واحدة - على ششرفهـ

أخآيل في الأفق سرب الأماني
وانتظر بشراك
والملم هـ المسا
وأشعل من أعواد السهر صبحك
أنا اللي من تذكرتك
عرفت أني عجزت أنساك !
وانا اللي لو تناسيتك
تذكر خافقي رمحك
على شرفة| غيابك
جيت أبفتح نافذة ذكراك
لقيت الصبر متلحّف خَطاك
ومفترش جرحك
أنا اللي ماعرفت من الكلام إلا :
أعشقك
... وأهواك
وانا اللي ماعرفت الحزن إلا :
من قسى فرحك
وانا اللي يوم قررت أنتهيك
أحترت كيف أبداك
تخيرت البكى لجلك ،
لأني ما عرفت أضحك !
أنقّب عن مآثر دمعتي في حسرتي
و اللقاك ..
تحرّض للزّعل جرحي
و .. أحاول أختلق صُلحك
تعلمت أكتبك وامسح
ملامح غيبتك و أقراك
أحاول أفهم اوصالك
ولكن :
طال بي شرحك
سقيت أزهار حلمي في غيابك ..
وأثمرت أشواك !
زرعتك سنّبلة فرحي
وأكل طير الحزن قمحك
أنا مالي وطن
إلا أعيش العمر في منفاك
وأنا مالي بـ زاد العمر
لا منه نقص ملحك
أضيع فـ بحر أوهامك
وأصارع والقدر مرساك
واناجي وحدتي واشكي
حبيبي : مسّني قرحك
وأطيح أبكي على كتف الزمن
و آقول : كيـف نساك
وتبقى نافذة ياسي
تواعد بـ الأمل صبحك !

للشاعر / علي الزهراني