الظلم يقهر وظلم احبابنا سكر
والظلم لي صار من لحباب راضينه
صحيح لنسان لحدن زعله يحتر
يبكي شويه ودمع الشوق في عينه
ياهوه يامسك ياريحان ياعنبر
تنسين حبا مضى والحين تبكينه
فهد يحبك مثل حبك بعد وأكثر
حرام يادره البحار تنسينه
اسكر على همستك وشلون ما نسكر
والقلب مع همستك تقلب موازينه
يازينها لي اقبلت تمشي وتتمخطر
الزين يا ناس ياخد زين من زينه
بالذات فستانها لي لبسته لحمر
ولا الشعر لي انتثر في راحه ايدينيه
الله يستر عليها بس لا تغتر
سبحان من صوره في حسن تكوينه
أستغفر الله اخاف اقولها واكفر
خلقت من الماس والعالم من الطينه