وين الوفا والا الوفا خدعة العين ..!

بسألك لو تسمح يا عاشق سؤالين
قبل القصيده تسرق الوقت مني

وين الوفا والا الوفا خدعة العين
وليه اعتذارك مثل جرحك لعني

يا كاذب بحبك ظهر طبعك الشين
وياعاشق التعذيب ببعدك عني

مالي بك وحبك واذا الجرح جرحين
بآكر بطيب وبالحزن ما بغني

حنيت لك وقت المخاليق قاسين
كنت الملاذ ولك وطن ما يمني

بس للأسف جازيت من كان لك لين
بالغدر والنكران وبك خاب ضني

ما انت الوفي يالي مع مر عامين
من دون تشعر خنت من له تحني

انت الغدر والكذب ولعيونك السين
ياكيف دمعك كذبه امس امتحني

الله اكبر والله معين ويعين
قلبي وروحي والمنى والتمني

اني الآقي حُب من بين وافين
والا اطيب وللهوا ما بعني

والله يستر عالوفا من معادين
يحفظه لأجل الحب يلقى مغني

ولايكون مرمي وسط دار المسنين
ويكون منسي ماله احدٍ يحني

الحب جنه به ورود وبساتين
وفرحات منثوره ووصل ومهني

ارضه وفا والغيم ساقي وفا اثنين
ونسمات شوقٍ قبل اريجه فتني

محدن عرف هالوقت قصد المحبين
مخفي النوايا ليل من به يجني

خوف وغرابه صمت ولازال للحين
من هو هوا قال العنا قد سكني

ياهل الهوا ياهل الوفا يامحبين
يامن لكم تشهد نجوم وتغني

كيف الهوا لأثنين يحلا بقولين
والا جزى من حَب ليله يوني

جنيت وهذا هو زمان المصابين
بعدوى الغدر والغدر سمه قتلني

ياليت هذا هو زمان المجانين
لابه هوا قصدي هوان المغني