أريد لنفسي فراغاً اقبع فيه بمفردي
اريده على سطح القمر ..
وان لم يتأتى ذلك اريده على المشتري
فقط لا اريد حولي ضجيجاً ولا حراكاً
اريد من ضجيج الصمت ان يتلاشى ..
ومن ثرثرة السكوت ان تصمت ..
اريد ممن حولي ان يتناسوني ..
اريد من الجميع ان يجهلوني ..
اريد ان اكون كما اتمنى ..
>> فقط من اختارهم انا بعنايه هم من يشاركوني هذه العزله <<
صح نسيت ابشركم
وانا في امان الله جالسه اتصفح النت
عندي رساله ناشبتن لي كل ما سجلت دخول في الماسن
يطلع البريد الوارد 1
قلت يابنتي دامك بس تتصفحي ما وراك شغله افتحيها
يمكن فيها قصه حلوه او نصيحه او اي شيء استفيد بقراءته
واتفاجأ بان المرسل غريب
وافتحها اشووف
طلع ايميلي ربح في اليانصيب
لا وحاطين المبلغ 50000000جنيه استرليني
انا الحين ما شاركت ولاني بعارفه من وين نطوا لي
انا عارفه انها حركات نصب
لا والمدري ايش المالي حاط لي ايميله عشان اتواصل معاه واستلم المبلغ
ويبي اسمي ورقمي وعمري
ولا يبيني اعطيه جزء من الجائزه لشركه
مدري وشو تبي تستثمرها وتضاعفها لي
عاد انا طنشت
والله لو انها حقيقه حراااااام
بس نفسي اعرف منو فاضي يعمل هيك
هذي وحده
....
الثانيه وحده اسمها امينه عبيد ليبيا
تقول برسالتها ان زوجها توفي وترك خلفه 250 ألف دولار << وش اسوي انا
واهي اصيبت بورم في الدماغ << حزنتني
وانها بتموت وتبي تعطيني المبلغ ابني لها مسجد او كنيسه
قسما بالله لو عندي باقرب عصا اخليها تموت صدق
عموما تقول اهلها مانعينها وتبيني اراسلها ع الايميل في الخفاء << حشى ارهابيه
طنشتها واتوقع انها ماتت الله يرحمها ويرحم زوجها
كان ينقب مدري وشو بترول في الكويت
وربي دوخوني
...
من غير المنجمين اللي نشبوا بحلقي الا واراسلهم عشان اوضف طاقاتي الايجابيه
يعني الواحد ما يرتاح يتصفح بريده بدون رسائل خداع
اذا جت جوائز جديده باخبركم نتقاسمها
الحمدلله والشكر الله يثبتنا بعقولنا بس
والله يحمي الناس من المخادعين